Letter to PM By a Common Man

Dear and Our Worthy PM..

Sir..

Kuch logo ko aapke faisle se khushi nahi hai wo sirf abhi ki pareshani hi dekh rahe hain.. future  dekhne ki unki kshamta bhi nahi aisa main manta hu.. Your Step is very good..
Lekin Sir.. aapse ek appeal thi..

Aapne jo Per Person Old High Denomination exchange limit 4000 ki thi and uske baad jise 4500 Rs tak kar diya gaya hai..
Aap usmein ek Amend kar dijiye Sir..
JO VYAKTI DUBARA CURRENCY EXCHANGE karte huye pakda jaaye use koi hard punishment diya jaaye (ya kuch aisa kare ki log double se paise exchange karne ka jo time diya hai tab tak Bank mein dubaara line na laga paaye...)

Reason for this..
1.Per Person agar simple life jiye Desh ke bhale ke liye hi apni raisjaadi chhod de to wo un 4500 rs se 3 ya weeks tak bina kisi pareshani ke khushi khushi jee sakte hain.
Agar koi Banker ya CA ya koi samajhdaar vyakti mujhe poora calculate kar de ki kaise aam aadmi ko 3 ya 4 weeks tak ghar ka gujara 4000 mein nahi kar sakta to main fir kabhi is topic par koi discussion nahi karunga lekin dhyaan rakhein calculation mein 4000 Rs per person aur han us vyakti ke kuch minor bachche bhi hoge jinki ID nahi hogi unko bhi count kar lena unke kharche bhi jod lena un 4000 rs mein plzz.

2.Bank mein bahut se log dubara Old High Denomination lene pahunch rahe hain jis se ki jaruratmand vyakti aur bank employee apna valueable time, energy kho rahe hain..

3.Aise log dubara Currency Exchange karte huye pakde jaane par aise anjaan ban jaate hai ki unhe ye niyam pata hi nahi jabki bank employee chilla chilla keh raaha hai aur sath mein news wale chahe wo print ho ya digital media .. sab logo ko niyamo ki jaankari pehle din se hi de rahe hain.
Hairat hoti hai jab Jan Dhan Khata Khulwate samay 100 ya 500 rupay jama karane par garibi ka rona rote the aaj aa kar puchte hai ki agar hum apne khaate mein 2 lakh rupay jama karaye to koi pareshani to nahi hogi..
(Ab bade CA ban rahe ho lekin Currency Exchange ka Niyam nahi pata in logo ko..
Pareshani inko nahi inki aane wali Generation ko hogi..)

3.Aise logo ki wajah se hi jyada bheed ho jati hai bank mein.. Jis se ki Old High Denomination Account Mein Deposit karane wale log nahi aa pa rahe hain.. Jinke TAX se desh ka bhala hone wala hai..

Yahan kuch log aise bhi jo aapke faisle ka virodh kar keh rahe hain ki itni Mehnat ke baad bhi sirf 2 ya 4 % hi kala dhan bahar aayega lekin shayad un logo ko yaad nahi ki Aap kala dhan se jyada Desh ke Dushmano dwara Fake Currency ke market mein istemaal kiye jaane par tha..

Black Money ke deposits par Reports aane ka intezaaar to kar ke dekhiye fir kehna kitna percent kala dhan aaya.. Waise main inki ye baatein nahi samjh paya ki inhone kaale dhan ka total kaise lagaya aur fir us mein se 2 ya 4 % kaise extraxt kiya..


Sabko pata hain khas kar Bankers ko ki RBI ne pehle bhi bahut saare notification,  cautions jaari kiye the ki Fake Notes ko strictly market mein aane se roka jaye par safalta utni nahi mil payi. Haal ke dino se jo Bangladesh ke route se jo Fake Currency Supply ho rahi thi wo kafi chintajanak rahi hai.. Jaisa ki News Channels ki report mein dikhaya ja rahaa tha..
Rahi baat kaale dhan ki to jitne din kam hote jayenge aapke dwara di gyi time limit ke .. Humko aisi aisi News milegi dekhne ko jis se har sachche hindustani ko khushi milegi..


Ab kuch Man Ki Baat bhi kehna chahta hu aapse kya pata fir aisa saubhagya na mil paaye..

HUMNE SUNA THA KI BHARAT KABHI SONE KI CHIDIYA HUYA KARTA THA.. lekin bhale hi videshiyo aur angrejo ne Hindustan ko luta lekin ab bhi ye
BHARAT SONE ki chidiya hi hai.. Kyunki 8 aur 9 November ko itna sona logo ne jod liya hai ki agar usko sarvajanik kar diya jaaye to har koi maan lega ki BHARAT AAJ BHI SONE KI CHIDIYA hi hai..

Old 500 rs aur 1000 rs note ke band hone ke baad bhi Logo ne apni purani daily routine pehli wali hi maintain kar rakhi hai.. Jabki jarurat hai abhi sab kuch limit aur jarurat ke hisaab se kharcha kare.

YAKIN MANIYE agar aisa koi foreign country karti to us ke citizen apni jarurat kam kar lete, Businessman apna karobaar kuch samay ke liye band kar lete ya limited hi kar lete.. Kuch businessman apne workers ko extra salary de kar unhe ghar pe aaram karne ke liye keh dete..

Kuch Educated logo ka group financial education aur cashless system ko badhawa dene ke liye voluntry level par kaam karne start kar dete..

500 aur 1000 Rs ke note band hone par sab se badi samasya un logo ki sun ne ki aayi ki jinki shadiya hai..
Bahut si Girls aur Boys ne News channel ke camere ke saamne kaha ki humari shadi honi hai kya kare.. PM humari help kare.
KAASH KOI AISA YOUNGSTER SAAMNE AA PATA JO KEHTA KI "DESH KE LIYE MAIN APNA SWARTH CHHOD DETA HU.. SHADI BAAD MEIN KAR LENGE YA PHIR SHADI SIMPLE TARIKE SE KAR LENGE AUR SHADI KI PARTY BAAD MEIN RISHTEDARO KO DE DENGE JAB HALAAT SAMANYA HONGE.."

Par iske ulte logo ne afwah uda di ki aap DGM se ek letter likhwa lo to RBI aapko shadi ke liye 5 lakh Rs tak dega..


Ye likhte huye mujhe ek baat aur yaad aa rahi ki .. Jab hum aapke is faisle ka samarthan kar rahe ho to kuch logo ka kehna hota hai ki ye pakke Modi ya BJP bhakt hain..
Lekin hum hanste huye kehte hai koi aisa PM aaya hai humari aane wali Generation ke liye SWACHCH BHARAT bana rahe hain.. Agar hum ab bhi Desh ke liye nahi lafenge to fir kabhi koi humare jaise aam aadmi ke liye Aage badhne ke liye taiyaar nahi hoga..
Hum Modi ya BJP ke bhakt nahi hai hum to us vyakti liye sehyog kar rahe hain Jo humare liye aur aane wali GENERATION ke liye ek sunhara bhavishya bana raha hai..

Aur bhi bahut kuch likhna chahta hu ki jis se kuch log neend se jaag sake lekin  main chahta hu ki Desh Virodhi aur har chij mein Negative sochne wale kuch aur bhi soche..
Aur hum unka Jawab de kyunki Mera Desh Ab Badal Raha Hai.. Is badalte huye BHARAT ko hum SWACHCH rakhne ke liye Sachche Dil se Mehnat karenge...

Thank You PM ji.. aapne logo ko ek History create karna ka mauka diya..
Bas ek dua hai meri ki Desh ke log kuch din Nayi Positivity ke sath ji le..
NO NEGATIVE NEWS TILL 30th December 2016..

From..
Mehra Upendra
(Common Man)