Central Government ne 2014 ke loksabha elections ko dekhte huye ab subsidy wale cylinder ki sankhya 9 se badha kar 12 kar di hai. Iske sath hi ab aadhar se subsidy dene wale faisle ko thande baste mein daal diya hai. Iska faayda sabhi LPG Customers ko milega. Jinhone already aadhar link karwaya hai aur unki subsidy direct account mein aa rahi thi unko bhi iska faayda milega sath hi ab April 2014 se unke account mein direct subsidy na aakar sidhe gas agency se sasta cylinder milega.
In short, Jaisa pehle tha waisa hi ab hoga. kul-milakar humari govt ne baithe-bithaye crores rupye yun hi baha diye aadhar ke naam se. In sab mein sabse jyada koi pareshan hua hai to wo hai garib aadmi. Garib aadmi jisne kaam dhanda chhodkar gas agency, bank aur aadhaar centres mein dhakke khaye.
Naye niyam ke anusaar ab subsidy wale cylinders ki sankhya 12 rahegi ek saal ke liye jiski subsidy ka paisa aapke account mein na aa kar sidhe kam rate mein cylinder milegi. saal mein 12 se adhik cylinder hone par market rate mein hi cylinder milegi. ab aadhaar ko bhul jao...
Is post ke baare mein Comments jarur kare.
