chacha aur unka identity card

“Tumne bataya kyu nahi?”
“Mujhe khud nahi pata tha iss baare me”
“Tum unke hi ghar mein rehti ho na? College me milna bandd karna hoga fir. Iske alawa aur kuch nahi kar sakte ab..”
Chachi ne rote huye phone rakh dia.
Chacha kuch nahi keh paaye. Woh abhi bhi iss sadme me the ki unke most-probably-hone-wale-sasur ji ab unke principal the.
_________________________________________________________________________________________________
Agli subah Chacha apne samay pe college pahunche. College ki ghadi se Chacha ka kabhirishta nahi bann paya tha. 8:30 bhi class hoti hai yeh Chacha ko maalum hi nahi tha.
“I-card!”, lambi muchho wale Security Guard ne Chacha ko rokte hue puchha.
“Kya i-card?”. Sach hi tha.Chacha ko college me Identity card ki kabhi zarurat hi nahi padi thi. Unke HOD se lekar, college ke bahar chhole kulche lagane wale bhaiya, sab unki “ identity ” se waakif the!
“Bhaiya, i card dikhao. Naye principal ka rule hai. Bina i-card ke entry nahi milegi.”, 6 feet wale Security Guard ne baat puri ki. Chacha ka burj khalifa se uchha ego girte hue nazar aa rha tha.
“Bhaiya, hum 4th year hai. Naye rules humare liye nahi hote. Aap naye ho islie shayad pata nahi.Unn bhaiya se puchhlo!”, Chacha ne dusre securityguard ki aur isshara karte hue kaha.
“Jaane do. Yahin ke hai”,dusre guard ne kaha.Chacha ki garima unke marks ki tarah aakhri palme sambhal gayi..
“Ab yeh din bhi dekhne padenge.”, sochte hue Chacha apni class ki aur badd chale.
Aaj college ka maahol aam dino se kuch alag tha. Jaha library ke saamne ladkio ko chhedte ladko ki awaazesunayi deti thi, aaj waha karamchaario ke shor ke alawa kuch nahi tha. Chacha ko yeh nayi khaamoshi se aane waletoofan ka andhesha ho raha tha. Aakhir ho bhi kyu na. Pichhle 3 saal se Chachi se unke pita ke kaarname sunke unko bhi pata chal gaya tha ki yeh jung itni aasan nahi hogi.
“Lift nahi ‘ yujj ‘ kar sakte. Woh staff ke liye hai!”, reception pe khade security guard ne kaha.
Aam dino me Chacha ko koi kaam karne se rokna,America pe parmaanu yuddh chhedne ke barabar tha. Aap toh marenge hi, bekasuro ki bhi maut nishchit hai. Paraaj baat alag thi. Apmaan ka yeh ghut zeher ki tarah pi ke Chacha ne aam insaano ki tarah seedion se jaaneka fesla kia.
Apni roz ki dincharia ke anusaar Chacha ne 1 class karke bhaagne ka nishchay kiya.
“Beta class karlo. Detain ho jaoge. Naye principal ne bola hai 75% attendance nahi hui toh sessionals nahi de paoge.”, corridor me khade agli class ke teacher ne Chacha se kaha.
“Koi ni sir. Ho jayega.”.
Isse pehle teacher kuch aur kehta, Chacha 2 manzil niche pahunch chuke the.
“Ab bas neta ji na badle ho..”,sochte hue Chacha ne sidha apna rukh neta ji ki dukaan ki aur kia.
“Chacha, kuch karo.”, Gullu ne Chacha se kash lagate hue kaha.
“Karte hai! Bahut jald kuch karte hai.”