Followers

Wednesday 1 August 2012

Use Computer Without Mouse

Agar aapse computer par mouse ke bina kaam karne ko kaha jaye, to aapke kya reaction hoge ? Aapko na sirf ajeeb lagega, balki aisa kehne wale ki samjh par bhi aap sawaliya nishan laga sakte hain. Lekin Windows aur other operating systems par adhikansh kaam mouse ki bina bhi kiye ja sakte hain. Though, kuch kaamo mein mouse ki jarurat padti hai.

My Computer: Windows Key+E se aap My Computer open kar sakte hain.

File Copy: Control button dabaye rakhte hue kisi bhi File ko mouse se drag karein. Uski ek aur copy ban jayegi.

Shortcut Banaye: Control+Shift ko dabate hue mouse se kisi bhi program, file, folder, drive ko drag karein. Iska shortcut ban jayega.

System Lock: kaam karte-karte kahin jaana pade to to Windows+L button dabakar system ko Lock kar ke jaaye. Yeh tabhi kaam karega jab koi window open ho aur Computer kisi password se open hota ho.

Permanent Delete: Delete ki huyi files system se completely delete nahin hoti, balki Recycle Bin mein chali jaati hain, jahan se unhe dobara laaya jaa sakta hai. Agar kisi file ko humesh ke liye delete karna hai to Shift+Delete combination ajmaaye.

Right Mouse Click: Agar mouse ko Right Click kiye bina uska kaam karna chahte hain to Shift+F10 ko ajmaaye.

Start Menu: Mouse ko hath lagaye bina Start Menu open karne ke liye Control+Esc ka use karein.

File Rename: Kisi file ya folder ko rename karne ke liye us file ya folder ko select kar sirf F2 press kar dekhein.

File Search: Kisi file ko search karna chahte hain, to F3 press kar Search Window open karein.

Properties: Kisi file, folder ya drive ki properties dekhne ke liye Alt+Enter press karein.

Window Minimize: Desktop par bahut saare program open ho, to sabko ek sath Minimize karne ke liye Windows Key+M use karein.

Window Maximize: Minimize kiye huye sabhi programs aur files ko Maximize karne ke liye Windows Key+Shift+M use karein.

Windows Navigation: Desktop par khule bahut saare programmes ya documents mein se kisi ek ko select karne ke liye Alt+Tab ko baar-baar press kar dekhein. Alt key ko press kar ke hi rakhe.

Close Program: Kisi bhi chal rahe program ko band karne ke liye Alt+F4 press karein.

Multiple Select: Ek se jyada files ko Copy ya Move karna ho, to unki list mein pehli file par jaane ke baad Shift press kare aur ab Arrow button press kar up-down badhte jaaye. Kisi document mein ek se jyada lines ko select karne ke liye bhi Shift+Arrow ki help lein.

List Of Address Bar: My Computer ya Internet Explorer mein address bar mein mojood documents ya web URL ki list ko open karne ke liye F4 press karein.

Page Refresh: Agar My Computer, Desktop ya Internet Explorer ko Refresh karna chahte hain to F5 press karein.

Task Band Kare: Kisi bhi software mein kaam karte waqt khulne wale dialogue box(eg, Are you sure to delete file) ko band karne aur use Cancel karne ke liye Escape button press karne se bhi kaam chal jaata hai. Isi tarah 'yes' ke liye Enter press karna kaafi hai.

Open Menu: Kisi bhi software ke Menu mein Alt press karne ke baad underline kiye huye letters(eg, file mein F aur Edit mein E) par click karne se wo menu khul jayega. Uske baad sab menu mein diye gaye button bhi isi tarah khole jaate hain.

Computer Search: Agar aap apne network mein mojood kisi khaas computer ko search karna chahte hain, to Control+Windows Logo+F ka use karein.

PrintOut: Jyadatar softwares mein Control+P keys press karne par Print out dialogue box khul jaata hai.

In shortcuts ki help se computer par kaam karna kahin jyada easy aur fast ho jaata hai.

No comments:

Post a Comment

write it